A abundancia de estímulos a través da imaxe, das pantallas, da tecnoloxía, da información inmediata, o consumo e a demanda de "recetas para todo", en realidade satura os sentidos, e conleva unha perda de sensibilidade para percibir o que nos rodea e aprender. A sobreestimulación afoga o sentido do asombro, que ben alimentado e coidado convértese nunha das actitudes máis importantes para a aprendizaxe e o desenvolvemento. Disto falaba xa Rachel Carson a mediados do século pasado, importante ecoloxista norteamericana que denunciaba no libro Silent Spring as falacias do mal chamado progreso.